Овие две намирници можат да предизвикаат зголемување на телесната тежина ако се консумираат на празен стомак

Појадокот со право се смета за најважниот оброк во денот, бидејќи ги активира клучните метаболички процеси во телото и значително влијае на нашето здравје, расположение и телесна тежина. Сепак, важно е да се обрне внимание не само на тоа дали појадуваме, туку и на тоа што консумираме на празен стомак.Најдобро е утрото да го започнете со чаша топла вода, а потоа да испиете оброк богат со протеини кој ќе ве засити и ќе ви помогне да одржите здрава тежина. Сепак, постојат две намирници кои се многу популарни за појадок, но тие можат да имаат спротивен ефект и да придонесат за зголемување на телесната тежина, особено ако се консумираат веднаш по будењето.

Печива и пекарски производи

Многу луѓе го започнуваат денот со ѓеврек, но ова е една од најлошите опции за појадок. Пекарските производи обично содржат големи количини рафинирано брашно, шеќер и нездрави масти. Овој вид оброк брзо го зголемува нивото на шеќер во крвта, што дава краткорочно чувство на ситост кое брзо исчезнува, оставајќи нè уште погладни.

Редовното консумирање печива на празен стомак може да придонесе за прекумерна тежина, како и за развој на проблеми со метаболизмот и шеќерот во крвта.

Свежо исцедени овошни сокови

Иако се сметаат за здрава опција, овошните сокови, особено оние што се кисели, можат да бидат штетни кога се пијат на празен стомак. Тие содржат висока концентрација на едноставни шеќери, а речиси и да нема влакна или протеини што би нè држеле сити подолго време.

Консумирањето на овие сокови на празен стомак може да го зголеми апетитот, што доведува до повеќе внесени калории во текот на денот, а со тоа и до акумулација на масти. Нутриционистите советуваат дека подобар избор е утринско смути од зеленчук, кое содржи повеќе влакна, а помалку шеќер.

За да одржувате здрава тежина и да се чувствувате енергично во текот на денот, избегнувајте да пиете свежи сокови и колачи на празен стомак. Наместо тоа, започнете го денот со вода и оброк богат со протеини, растителни влакна и здрави масти.