Откриен тестаментот на Џин Хекман: Легендарниот актер остави милиони на една личност, не ги спомнал деца, но неговата последна желба нема да се исполни (фото)
Тестаментот на познатиот оскаровец Џин Хекман и неговата сопруга Бети Аракава е откриен еден месец по нивната смрт, што потенцијално ќе предизвика правна битка за неговиот имот вреден 80 милиони долари.
Хекман (95) целото свое богатство и го остави на сопругата Бети (65), која беше наследен управник на неговиот фонд. Сепак, не е јасно дали неговите три деца од првиот брак со Феј Малтезе – Кристофер (65), Лесли (58) и Елизабет (62) – добиле нешто од тестаментот. Неговите деца биле отуѓени од него во минатото, што сега отвора можност за правен спор.
Правен експерт изјави за Дејли Меил дека ќе имало вистинска „војна“ меѓу наследниците доколку Бети го надживеала Хакман. Кристофер го ангажираше истакнатиот калифорниски адвокат Ендрју М. Каценштајн, што укажува на потенцијална борба околу наследството на Хекман.
Бети во тестаментот навела дека нејзиниот имот ќе биде префрлен во фонд наменет за добротворни организации и за покривање медицински долгови. Тестаментот содржи и клаузула во врска со поделбата на нејзиниот личен имот, како што се мебел, накит и уметнички дела.
Детективската истрага во Санта Фе, Ново Мексико, откри дека Бети умрела околу 11 февруари од редок вирус што го носеле глувци, додека Хекман починал на 18 февруари од срцеви проблеми. Нивните тела ги пронашол обезбедувањето на населбата каде што живееле.
Според законот на Ново Мексико, ако умреле со помалку од 120 часа разлика, имотот би бил распределен поинаку. Бидејќи Хекман живеел седум дена по смртта на Бети, неговиот имот нема автоматски да оди кај нејзините наследници, туку ќе биде поделен меѓу другите корисници на трустот Авалон, кој Хекман го назначил за повереник на наследникот во 1995 година.
Правните експерти посочуваат дека од клучно значење е да се утврди дали Хакман и Аракава потпишале предбрачни или постбрачни договори, како и дали децата ќе покренат правна постапка. Законот во Ново Мексико дозволува поднесување тужба до три години по смртта.
Лесли Хекман рече дека е „блиска“ со нејзиниот татко, но дека тие не разговарале неколку месеци пред неговата смрт. Семејството во соопштението рече дека Хекман бил „сакан и почитуван ширум светот поради неговата брилијантна актерска кариера, но за нив тој секогаш бил само татко и дедо“.
Полицијата сè уште истражува одредени детали за случајот, вклучувајќи ги резултатите од обдукцијата на нивното починато куче, како и анализа на податоците од мобилните телефони на парот. Иако смртните случаи беа прогласени за природна, истрагата останува отворена додека не се разјаснат сите непознати.
