Поради магла, шест скијачи се изгубиле на Попова Шапка

Лице кое било вработено на ски-лифтовите пронашло пет од изгубените лица, а нешто подоцна било пронајдено и шестото изгубено лице,

Од Центарот за управување со кризи (ЦУК) велат дека во текот на вчерашниот ден, шест скијачи кои со ски-лифт се искачиле на повисоките делови од една од патеките на Попова Шапка се јавиле на бројот за итни случаи 112 за да пријават дека се изгубиле поради тоа што надолу паднала многу густа магла и нов снег кој го отежнал нивното движење надолу по ски-патеката. По воспоставување на контакт со надлежните, лице вработено во ски-лифтот првично успеало да пронајде пет од изгубените лица, за по некое време да го пронајде и шестото лице.

„Скијачите се јавиле за помош на 112. Од ЦУК веднаш биле известени СВР Тетово и раководителот на РЦУК Тетово. Во меѓувреме, лице вработено на ски-лифт пронашло пет (5) од изгубените лица, а подоцна во 16.15 часот го пронашло и шестото изгубено лице. Прво сите биле згрижени во полициската станица на Попова Шапка“,информираат од ЦУК.

Сите скијачи потоа безбедно биле вратени дома.