Поради него гори Франција: Денеска е погребот на Наел М – син единец: Ја бакнал мајка си и отишол на работа каде го пречека полициски куршум (фото/видео)
Во Нантер, мало гратче во западната периферија на Париз, денеска ќе се одржи погребот на Наел М, тинејџер со арапско потекло кој беше застрелан од француската полиција откако беше запрен поради прекршување на сообраќајните прописи.
Моментот кога полицаец пука во 17-годишниот Наел беше снимен на видео, а убиството, кое се случи во вторникот, предизвика насилни протести низ Франција.
Би-би-си пренесува дека мајката го имала само Наел, кој никогаш не го запознал својот татко. Се наведува дека младиот човек работел како доставувач на храна во возилото во кое загинал.
![](https://vocentar.com/wp-content/uploads/2023/07/3513968_francuska01-epa-mohammed-badra_ff-jpg.webp)
Неговото образование како електричар во гимназијата во Суресно, недалеку од местото каде што живеел, беше опишано како хаотично. Често отсуствувал од училиште, поради што бил вклучен во работата на невладината организација „Овал ситојан“ од Нантер, која се занимавала со интеграција во општеството на тинејџерите кои имале проблеми на училиште.
Од таа организација изјавија дека Наел не се занимавал со малолетничка деликвенција, но полицијата во 2021 година неколку пати го запирала во автомобил што храбро го возел како доставувач, иако бил малолетник и немал возачка дозвола.
Познато е дека играл рагби за локален клуб од Нантер. Пред да оди на работа кобниот ден ја бакнал мајка си и се простил од неа со зборовите „Те сакам мајко“.
![](https://vocentar.com/wp-content/uploads/2023/07/3514078_ivan-ap-michel-euler_ff-jpg.webp)
Француската полиција уапси речиси илјада демонстранти само за време на последната ноќ на немирите меѓу петокот и саботата, кои се судрија со органите на редот за убиството на Наел.
Властите испратија 45.000 полицајци на улиците на француските градови за да го спречат насилството.