Предлог за разрешување на обвинителот Коцевски на утрешната владина седница

Предлогот за разрешување на државниот јавен обвинител Љупчо Коцевски утре ќе биде разгледан на седница на Владата, по што ќе биде доставен до Советот на јавни обвинители.

„На утрешната владина седница ќе биде разгледано мислењето доставено од Министерството за правда, по што согласно законските обврски ќе биде доставено до Советот на јавни обвинители.

Како Влада ќе продолжиме да преземаме активности насочени кон подобрување на функционирањето на правосудниот систем. Довербата на граѓаните е сериозно нарушена и поради оваа причина ние сме силно посветени конечно да имаме правна држава и правна држава“, соопшти владината прес-служба.

Министерството за правда, постапувајќи согласно заклучоците од 50-та седница на Владата на Република Северна Македонија, одржана на 11 февруари годинава, презеде активности и изготви мислење по предлогот за разрешување на државниот јавен обвинител што го достави до Владата за понатамошна постапка согласно Законот за Јавното обвинителство на Република Северна Македонија и Уставот на Република Северна Македонија.