Путин издаде итна наредба! „Мораме да преземеме сериозни дополнителни мерки за да ја заштитиме Русија“

Контактите со администрацијата на американскиот претседател Доналд Трамп даваат одредена надеж, изјави рускиот претседател Владимир Путин на проширен состанок на одборот на ФСБ. Во таа прилика тој укажа и на потребата од подобра заштита на руската граница.

– Потребни се дополнителни мерки за сигурна заштита на руската државна граница – нареди рускиот претседател Владимир Путин на седница на колегиумот на ФСБ.

– Треба да преземеме сериозни дополнителни мерки за заштита на државната граница – изјави шефот на руската држава.

„Мораме да продолжиме да ја зголемуваме густината на граничното покривање во потенцијално опасните области, во соработка со армиските единици, единиците на руската национална гарда и Министерството за внатрешни работи, како и локалните власти, за да се обезбеди безбедноста на луѓето во пограничните населби“, нагласи Путин.

Да потсетиме дека денеска зад затворени врати се одржаа преговорите меѓу руските и американските дипломати за понатамошни односи меѓу САД и Русија. Тие се одржаа во Истанбул и се сметаа за втор круг разговори по оној во Ријад.

Во Ријад се разговараше за Украина, додека на состанокот во Истанбул се разговараше за иднината на билатералните односи меѓу САД и Русија.