Русите ја нападнаа Одеса, погледнете ги овие вознемирувачки видеа од масовниот напад! Зеленски веднаш се огласи: „Русија ги покажува своите вистински намери“ (ВОЗНЕМИРУВАЧКО)

Руски ракети денеска напладне погодија станбени згради во Одеса, при што загинаа најмалку 8 лица, а 18 се повредени, соопштија локалните власти.

„Во рускиот напад загинаа осум лица, а 18 се повредени, меѓу кои и едно дете. Четворица повредени се во тешка состојба.

Ова го објави Олех Кипер, шеф на регионалната воена управа на Одеса (ОВА) на Телеграм.

Според Кипер, цивилната инфраструктура, вклучително и станбените згради, претрпе значителна штета.

Андриј Јермак, шефот на претседателскиот кабинет, го потврди нападот, нагласувајќи го намерното таргетирање цивили.

„Во Одеса, Русите убиваа луѓе со цел напад врз цивилна инфраструктура. Руските убијци не ги ни кријат своите намери“, напиша тој.

Претседателот Володимир Зеленски веќе одговори на ударот во Одеса, изјавувајќи: „Руските терористи лансираа балистички ракети врз станбена зона во Одеса, погодувајќи паркинг. Оштетени се и станбена зграда, универзитет и административна зграда“.

Тој потврди дека во нападот загинале 8 лица, а речиси дваесет лица се повредени.

„Моето сочувство до семејствата и најблиските“, рече Зеленски.

Претседателот додаде: „Ова не се случајни удари – тоа се демонстративни напади. По разговорите и средбите со Путин и сите лажни тврдења во медиумите дека Русија наводно „се воздржува“ од удари, Русија ги покажува своите вистински намери: само војна.”

Тој додаде дека оваа порака мора да се слушне низ целиот свет, „од салите на Г20 до секој главен град ширум светот“.