Руски новинар случајно ја открил локацијата на тајната база Рубикон

Откриена е локацијата на базата на елитниот центар за напредни беспилотни технологии „Рубикон“, кој го користат 
руските вооружени сили.

Снимките од базата ги објави тимот на пропагандистот Владимир Соловјов, а експертите, врз основа на детали во ентериерот кои на прв поглед изгледаат неважни, но не биле цензурирани, како што е знакот за тоалетот, заклучија дека станува збор за изложбениот комплекс „Патриот“ во близина на Москва, пренесува ,,Украински вести“.

Во серија од три видеа на руското Министерство за одбрана и Соловјов, вклучувајќи едно видео објавено за годишнината од Рубикон, многумина ги забележаа карактеристичните детали на ентериерот – специфичноста на столбовите, знаците над тоалетите со англиски превод, штандовите со постери и пречките за вежбање на FPV дронови . Сето ова се совпаѓаше со фотографиите и промотивните материјали на комплексот „Патриот“.

На снимката може да се видат и специфични метални отвори, што дополнително ја потврдува локацијата на базата во паркот „Патриот“. Изложбениот комплекс ја зафаќа салата D и дел од салата C во јужниот дел. Паркот „Патриот“ е голем воено-патриотски комплекс во Московскиот регион , создаден од руското Министерство за одбрана. Наменет е за демонстрација на воена опрема и одржување изложби.