САД изведоа еден од најсмртоносните напади врз Хутите
Во американскиот напад на нафтеното пристаниште Рас Иса во западен Јемен загинаа најмалку 38 лица, објавија локалните медиуми, што го прави еден од најсмртоносните денови откако САД ги почнаа нападите врз милитантите поддржани од Иран.
Телевизијата Ал Масира јави дека во нападите, за кои американската војска соопшти дека имале за цел да го прекинат снабдувањето со гориво за милитантите Хути, биле ранети и 102 лица.
Првичните извештаи, цитирани од локалното Министерство за здравство, велат дека бројот на загинати е најмалку 17, пишува CNN , според Телеграф.
„Целта на овие напади беше да се уништи економскиот извор на моќ на Хутите, кои продолжуваат да ги искористуваат и нанесуваат голема болка на нивните сонародници“, соопшти американската Централна команда на платформата Х.
U.S. CENTCOM has announced that precision strikes destroyed the Houthi-controlled Ras Isa fuel port in Yemen. The action was taken to disrupt the group’s financial lifelines, as the site was reportedly used to facilitate illicit fuel sales that funded their ongoing terrorist… pic.twitter.com/G9GUtfl23w
— GMI (@Global_Mil_Info) April 18, 2025
САД започнаа големи напади против Хутите минатиот месец, велејќи дека тие ќе продолжат се додека не ги запрат нападите со бродови во Црвеното Море.
Од ноември 2023 година, Хутите извршија десетици напади со беспилотни летала и ракети, велејќи дека тие се насочени кон бродови поврзани со Израел, во знак на протест и одмазда за војната во Газа.
Нападот од четвртокот, наводно, бил еден од најсмртоносните откако САД започнаа воздушни напади врз Хутите, во нивната најголема воена операција на Блискиот Исток откако претседателот Доналд Трамп ја презеде функцијата во јануари.
