Сергеј го фрли „бебето“ во снег, му се закануваат 10 години затвор: Се правда дека е кукла, еве го видеото
Рускиот инфлуенсер Сергеј Косенко, кого на Инстаграм го следат повеќе од 46,5 милиони луѓе, се најде во голем проблем, пренесува Метро .
Наводно се снимал како фрла „двомесечно бебе“ во длабок снег , што предизвика бурни реакции кај корисниците и властите.
„Подготвени за соработка“
Властите во Русија издадоа налог за апсење, додека дел од неговиот имот е замрзнат. Се бара негова екстрадиција – Косенко живее во странство, а ќе биде приведен штом стапне на тлото на својата татковина.
„Обвинетиот го фрлил детето од него и нагоре, дозволувајќи му да падне од височина. Злосторничката намера не е остварена бидејќи падот на детето ја омекнал снежната покривка“, соопштија надлежните.
Адвокатот Сергеј Жорин најавува дека неговиот клиент е подготвен да соработува со органите на прогонот и да ја обезбеди оригиналната снимка . Тој наведува дека тоа не е дете туку „кукла“, и дека се е „монтирано“ .
Замрзнати сметки
Без разлика, руските власти го обвинија Косенко за обид за тешка телесна повреда на малолетно лице и неисполнување на должноста за одгледување малолетник.
Тие, исто така, ги замрзнаа неговите сметки во Русија, а локалните медиуми објавија дека вклучената сума е 206 милиони рубљи (1,6 милиони фунти) распоредени на 43 банкарски сметки.
Доколку биде прогласен за виновен, му се заканува затворска казна до 10 години. Странските медиуми јавуваат дека Косенко живее на релација Лос Анџелес-Дубаи.
