Силно невреме ги погоди Хрватска и Италија, повеќе од 3000 останаа без струја

Хрватска и Италија беа погодени од екстремно лошо време, проследено со интензивни врнежи од дожд, град и силни грмежи. Главниот град Загреб се најде под силен удар на бурата, а надлежните издадоа црвено предупредување за опасни метеоролошки појави.

Невремето започна во текот на изминатата ноќ, а најмногу последици се почувствуваа во општината Бродско-посавска. Утрово, центарот за цивилна заштита соопшти дека на бројот за итни повици 112 примиле значително повеќе јавувања поради последиците од невремето.

Истата бура ја зафати и Италија, каде што беа забележани обилни врнежи, град и исклучително силни ветрови, предизвикувајќи дополнителни штети во повеќе региони.