Син сум на пејачката Сара, која загина во пожар во дискотека во Кочани, ми требаат пари: Ова е бесрамна измама!

Додека сите се солидаризираат и испраќаат помош до семејствата на загинатите и повредените во пожарот во дискотеката Пулс во Кочани, се појавија и измамници кои сакаат да украдат пари од граѓаните кои сакаат да ги донираат.

Воислав Дабевски, кој живее во Осло, Норвешка, открива еден таков случај. Тој вели дека за малку не бил измамен откако им понудил помош на погодените од трагедијата во Кочани.

Тој додава дека му се јавило момче кое се претставило како Филип Мицевски, 20-годишниот син на пејачката Сара Пројковска, која загина во пожарот.

„Внимание луѓе, има нелуѓе, а за малку ќе наседнев на измама откако им понудив финансиска помош на настраданите од трагедијата во Кочани. Ми се јави едно момче кој се претстави како Филип Мицевски, 20-годишниот син на пејачката Сара, која почина во пожарот звучеше вознемирено, толку убедливо плачеше што почнав да го тешам“, објаснува тој.

„Потоа побара пари за маст за изгореници и тогаш само што почнав да се сомневам. Ми испрати фотографија од пасош, но веднаш забележав дека личноста има 30 години, а немаше 20 години како што се претстави сепак верувајте дека постојат добри луѓе“, рече Воислав.

Дека е истиот измамник пишува и познатиот македонски маратонец Игор Јакимовски, офицер во АРМ, а сега тренер.