Срамота! Брука за НБА лигата: Погледнете како Ембиид физички го нападна судијата, едвај го сопреа (Видеа)

Еден од најдобрите кошаркари на денешницата, Џоел Ембиид, целосно ја загуби контролата во текот на ноќта која е зад нас, а се кулминираше кога почна конфронтација со судијата.

Филаделфија 76ерс победија против Сан Антонио Спарс со резултат 111:106, но дуелот беше потежок од очекуваното за фаворизираните домаќини.

Домашниот тим во поголемиот дел од натпреварот беше без услугите на својата најголема ѕвезда Џоел Ембиид, кој беше исклучен по 14 минути игра. Сосема оправдано, откако Ембиид започна пресметка со судијата.

Се играше втората четвртина од дуелот кога по одлука на судијката Џена Шоредер, Ембиид целосно полуде. Отпрвин дојде да се спротивстави и се чинеше дека ќе се држи до тоа, но потоа следеше момент на лудило од големата ѕвезда.

Минатогодишниот МВП на лигата и еден од најдобрите стрелци започна физичка пресметка со судијата, по што целиот тим се обиде да го спречи и на крајот едвај го направи тоа. Во напад на бес, Ембиид ја фрли и заштитната маска од лицето.

Ембиид беше исклучен, исто како што му се случи порано на Андре Драмонд.

Филаделфија на крајот можеше да слави на крилата на Тајрис Макси, кој постигна 32 поени и имаше 10 скока.