Стјуардесата на Бритиш Ервејс се соочува со отказ откако откри дека била на истиот лет co ковчегот на Лиам Пејн

Стјуардеса на „Бритиш ервејс“ е изложена на ризик да ја изгуби работата откако објавила на интернет дека била на истиот лет со кој го носелe телото на Лијам Пејн.

Самер-Ли Морисон објави објава на Инстаграм за да ги информира своите следбеници дека е дел од екипажот на летот каде што се наоѓал ковчегот на поранешната ѕвезда на One Direction, пишува DailyMail.

Се верува дека таа ги прекршила строгите правила споделувајќи со следбениците слика од манифестот на летот на Бритиш Ервејс со детали за патниците на летот.

Во својата објава таа напиша: „Штотуку ме известија дека денес превезуваме ковчег. „Да знаете дека тоа е телото на Лијам Пејн и дека неговото семејство е исто така на летот со нас“.

Се дознава дека стјуардесата е суспендирана додека менаџерите на „Бритиш ервејс“ го истражуваат случајот.

Пејн почина на 31-годишна возраст на 16 октомври откако падна од балконот на третиот кат на хотел во главниот град на Аргентина, Буенос Аирес. Неговиот погреб се одржа во Амершам, Бакингемшир, во средата.

Извор на Бритиш Ервејс за Сан изјави: „Се чини дека оваа стјуардеса повеќе се грижи за нејзините следбеници на социјалните мрежи отколку за својата работа“.

„Тоа е ставено на внимание на раководството поради претходните објави. Ова е сериозно прекршување на податоците, а да не зборуваме за ладен и бесчувствителен чин на информирање на светот за неодамнешното патување на Лиам само до онлајн следбениците.

„Ќе има среќа ако некогаш повторно лета со компанијата“, рекол изворот.

Портпаролот на Бритиш Ервејс потврди за DailyMail дека компанијата го истражува случајот и дека „дополнителен коментар би бил несоодветен“