Трамп, Бајден и Зеленски се обвинети дека го прекршиле кодексот на облекување на погребот на папата Франциско

Доналд Трамп, Џо Бајден и Володимир Зеленски беа обвинети за кршење на правилата за облекување на погребот на папата Франциско одржан во Ватикан, на кој присуствуваа повеќе од 400.000 луѓе.

Кодексот на облекување налага мажите да носат темно одело со долга црна вратоврска и бела кошула. Чевлите, чорапите, палтата и чадорите исто така мораа да бидат црни.

Претседателот на Соединетите Американски Држави, Доналд Трамп, носеше тегет костум и вратоврска во иста боја. Украинскиот претседател Володимир Зеленски не носел вратоврска.

Володимир Зеленски со сопругата Олена Зеленска (Фото: Ројтерс)

Поранешниот американски претседател Џо Бајден носеше сина вратоврска. Сите тројца беа обвинети за непочитување со оглед на тоа што другите светски лидери беа облечени во црно. Следеа бројни коментари на социјалните мрежи.

„Зошто Трамп е единствениот светски лидер кој носи син костум? Срам да му е“, „Знам дека Зеленски сака лежерни работи, но ова е премногу“, „Зошто никој не му кажа на Бајден дека не може вака да се појави на погребот на папата? се некои од коментарите.

Џо Бајден со сопругата Џил Бајден (Фото: Ројтерс)

Погребната церемонија на папата Франциско почна денеска во 10 часот на плоштадот Свети Петар во Ватикан, а нешто по 13 часот. погребот се одржа во црквата Санта Марија Маџоре во близина на Ватикан.

Папата Франциско е првиот папа по Лав XIII што е погребан надвор од Ватикан. Минатата година тој побара да биде погребан во поедноставен дрвен ковчег, а негова желба беше да биде погребан во старите ортопедски чевли во кои често се појавуваше во јавноста.