Трамп го отфрла примирјето? „Сакам вистински крај!“

Претседателот на Соединетите Американски Држави, Доналд Трамп, изјави дека не сака примирје со Иран, но се стреми кон „вистински крај“ на иранското нуклеарно прашање, изјави тој пред новинарите во авионот „Ер Форс Уан“ за време на неговото враќање во Вашингтон во текот на ноќта по раното заминување од самитот на Г7 во Канада.

„Не реков дека барам примирје“, рече Трамп, според Си-Би-Ес њуз 

Тој додаде дека „вистинскиот крај“ значи „тотално напуштање“ на нуклеарното оружје. На прашањето дали ќе го испрати американскиот претставник за Блискиот Исток, Стив Виткоф, или потпретседателот Џ.Д. Венс на разговорите за Иран, Трамп одговори: „Можеби ќе го направам тоа. Зависи од тоа што ќе се случи кога ќе се вратам“.

Тој тврди дека Иран е „многу блиску до тоа да има“ нуклеарно оружје, отфрлајќи го сведочењето на директорката на Националното разузнавање, Тулси Габард, во март, дека таа рекла дека Иран не развива нуклеарно оружје.

Претседателот го предупреди Иран да не ги напаѓа американските трупи, велејќи дека „силно ќе одговори ако направат нешто на нашиот народ“.

Трамп рече дека Израел ќе продолжи да го напаѓа Иран.

„Ќе видите во следните два дена. Ќе видите. Никој досега не забавил“, рече тој, според извештајот на Си-Би-Ес.

Тој додаде дека се надева оти нуклеарната програма на Иран ќе биде „уништена долго пред“ САД да мораат директно да интервенираат.

Трамп, исто така, рече дека неговиот повик до жителите на Техеран да се евакуираат бил мотивиран од желбата да се зачува безбедноста на луѓето.