Трамп самоуверено: „Си Џинпинг ми вети дека нема да го нападне Тајван додека сум во Белата куќа“

Американскиот претседател Доналд Трамп им рече на новинарите за време на летот во претседателскиот авион дека кинескиот претседател Си Џинпинг му ветил „дека нема да го нападне Тајван сè додека е претседател“.

Според Трамп, „мора да бидете трпеливи со Кина, иако Кина е многу трпелива“. Коментирајќи ја опасноста од кинеска агресија врз Тајван, Трамп истакнува дека има цврсто ветување од кинескиот претседател дека тоа нема да се случи додека тој е во Белата куќа.

„Никогаш нема да го направам тоа додека сте претседател. Претседателот Си ми го кажа тоа и јас го кажав тоа“, рече Трамп.

Коментарите на Трамп за неговите разговори со кинескиот претседател доаѓаат по средбата со Владимир Путин, при што новата администрација се стреми да одржува активен однос со Пекинг и Москва околу кризните жаришта.

Трамп и Си го одржаа својот прв официјално потврден телефонски разговор во јуни. Трамп, исто така, во април рече дека Си го повикал, но не прецизираше кога се случил повикот.

Кина, од друга страна, го смета Тајван за своја територија и вети дека ќе го „обедини“ демократскиот и одделно администриран остров, дури и со сила доколку е потребно.

Двете страни активно работат на развој на воени капацитети во регионот, при што Тајпеј ги полага своите најголеми надежи на американската воена помош во случај на директен конфликт.