Трендафилов: Да се зголеми минималната и сите останати плати за 6 илјади денари, со услов Владата да ги субвенционира придонесите

Во дебатата на емисијата „Бизнис21“ на ТВ21, претседателот на Сојузот на синдикатите на Македонија (ССМ), Слободан Трендафилов, излезе со предлог за значително зголемување на платите, но со одреден услов.

„Првиот чекор беше да се зголеми минималната плата за дополнителни 6 илјади со оваа пресметка, да се зголемат и сите останати плати за 6 илјади денари, со услов Владата да ги субвенционира придонесите на работодавачите. Не да им дава, туку од еднио џеб да стави во другиот џеб во буџетот. Владата кажа нема пари, не разбирам како нема кога само ќе ги даде и ќе си ги земе“, изјави Трендафилов.

Тој додаде дека ССМ ќе продолжи со притисок за зголемување на платите, нагласувајќи дека работниците заслужуваат достоинствена заработка во услови на постојан раст на животните трошоци.