Што се случува кога астронаут ќе умре во вселената? Одговорот ќе ве изненади

Американската вселенска агенција НАСА утврди што треба да се прави кога некој ќе умре во вселената, за време на вселенска мисија.

Како што човечките вселенски мисии стануваат почести и поавантуристички од кога било, шансите за смрт на астронаутите се зголемуваат.

Ова може да биде предизвикано од голем број настани, од дефекти на возилата и намалување на притисокот од пожари до недоволен пристап до храна и вода поради контаминација или крварење.

Меѓутоа, со цел да се испратат астронаути на Марс уште во 2030-тите, планирањето за таков трагичен настан е од суштинско значење. Ако се случи една смрт за време на мисијата – еве што точно ќе се случи.

Безбедноста на екипажот е најважна

Минатата година, НАСА објави технички извештај за смртни случаи на човечки вселенски летови, нагласувајќи како мора да се направат планови за заштита на екипажот и целите на мисијата.

– Една од најнепосредните и најглавните грижи би била како да се обезбеди безбедност на преостанатите членови на екипажот – се наведува во извештајот.

 – Важно е да се зачува здравјето на преживеаната екипа. Имено, по смртта телото почнува да се распаѓа и станува  биолошка опасност. Во затворената атмосфера на леталото се ослободуваат нуспроизводи од природно распаѓање и потенцијални патогени. Ова може да ја отруе внатрешноста на леталото и да биде опасност за другите астронаути.

Што се случува со телото?

Затоа, документот препорачува сите членови на екипажот да добијат „соодветна“ обука за ракување со остатоците, како и за ракување или складирање на човечки останки на долги временски периоди.

 – По смртта има и временски ограничувања кога може да се спроведат одредени постапки за ракување поради природните процеси што се случуваат со остатоците – се додава во извештајот.

Секој астронаут кој ќе умре за време на вселенска прошетка ќе биде сместен во најстудената област на Меѓународната вселенска станица (ISS) додека телото не се врати на Земјата. Доколку дојде до смрт на Месечината, остатоците може релативно брзо да се вратат на Земјата, но за долготрајни мисии, како што е летот до Марс, телото може да се зачува со помош на специјализирани телесни кеси или комори.

 – Иако исфрлањето тело во вселената изгледа практично, тоа е спротивно на меѓународните договори за вселенски отпад и покренува етички прашања – се наведува во изданието, пренесува Мирор.