„Австралискиот грип“ се шири: Огромен број луѓе во болница, а ова се симптомите

Австралискиот грип или австралиската варијанта се однесува на грип предизвикан од вирусот H3N2 тип А подтип кој ја зафатил јужната хемисфера и особено Австралија.

Кога станува збор за сериозноста на грипот, важно е да се нагласи дека „ австралискиот грип “ ја имаше најагресивната сезона на грип во последните десет години.

Симптоми на австралиски грип

Типични симптоми на австралискиот грип се треска, главоболка, болки во грлото, треска, болки во мускулите и коските, замор, кашлица, течење на носот и губење на апетит, пишува италијански Ilmessagero.

Она што го разликува е неговата агресивност: во Австралија се достигнати врвови на хоспитализација и приеми на интензивна нега.

Кога станува збор за Европа, овој вирус е регистриран во Италија, поточно во Ломбардија, Пиемонт и Лацио, но и во Џенова и остатокот од Лигурија.

Колку долго трае австралискиот грип?

Симптомите на австралискиот и сезонскиот грип генерално се појавуваат околу 1-2 дена по инфекцијата, со краток период на инкубација. Тие траат околу три до четири дена и исчезнуваат за пет до седум дена. Ова се општи проценки, бидејќи симптомите може да траат и до две недели.

Како да се однесуваме во случај на грип?

Во случај на грип, првиот совет, без разлика на вирусот што го предизвикал, е да се одморите. Покрај тоа, внесот на течности е важен за да се спречи можна дехидрација. 

Важно е да се избегнува или да се ограничи контактот со други луѓе за да се спречи нивната инфекција и ширењето на грипот. Конечно, ако симптомите траат подолго од седум дена, треба да се јавите кај вашиот избран лекар.