Австралискиот Премиер падна од бината: Луѓето останаа шокирани, не можеа да поверуваат (видео)

Австралискиот премиер Ентони Албанес падна од бината додека позираше пред фотографите откако одржа говор во Лавдејл во регионот Хантер во Нов Јужен Велс.

Учесниците на настанот му помогнале на Албанес да стане, а тој им мавнал на присутните велејќи дека е добро, објави „Скај њуз“.

Тој не се здобил со никаква повреда при падот.

Инцидентот се случил откако Албанес бил малтретиран од двајца демонстранти за климата додека бил во посета на блиската болница. Тие беа извлечени од болницата Мејтленд по обидот да се спречи посетата на австралискиот премиер.

Групата за климатски активисти Rising Tide ја презеде одговорноста за инцидентот во објава на социјалните мрежи во која ги пофали протестите.

Оваа група прекина шест политички настани во последните недели.

Албанес од редовите на лабуристите води во анкетите на јавното мислење во споредба со лидерот на опозицијата Питер Датон со 49 до 38 отсто поддршка од гласачите.

Федералните избори ќе се одржат на 3 мај.