Австралија најавува нов пакет воена помош за Украина од 100 милиони долари
Австралискиот вицепремиер и министер за одбрана, Ричард Марлс, на заедничка прес-конференција со премиерот на Украина, Денис Шмихал и заменик министерот за одбрана, Иван Хаврилук, најави дека Австралија ќе и понуди на Украина пакет помош од 100 милиони долари.
Според Марлс, 50 милиони долари од таа сума ќе одат за системи за противвоздушна одбрана со краток дострел, 30 милиони за беспилотни летала и уште 15 милиони долари за опрема како што се шлемови, чамци, маски и генератори.
Австралискиот министер рече дека Украина и нејзиниот народ издржале повеќе од две години од почетокот на целосната руска окупација, пишуваат странските медиуми
Сепак, Марлс рече дека Австралија ќе стои на страна на Украина додека не се добие војната.
Тој исто така најави дека неговата земја ќе обезбеди муниција воздух-земја за украинските сили.
Инаку, најновиот пакет ја носи австралиската воена помош за Украина на 880 милиони долари.
