Автомобил влета во група луѓе во Минхен, многумина повредени
Автомобил влета во група луѓе во Минхен , при што во инцидентот беа повредени најмалку 15 лица. Според непотврдени информации, автомобил влетал во група демонстранти.
Голем број служби за итни случаи се на терен, пишува Билд .
Според очевидци на местото на настанот, автомобилот намерно влетал во група луѓе на улицата.
Der Fahrzeugführer konnte vor Ort gesichert werden, von ihm geht derzeit keine weitere Gefahr aus.#muc1302 pic.twitter.com/4MTLQgBbMH
— Polizei München (@PolizeiMuenchen) February 13, 2025
Според Билд, се работи за Mini Cooper. На стампедото наводно му претходело пукање, пренесува Билд.
Инцидентот се случил околу 10:30 часот, кога возачот наводно намерно забрзал, а потоа со автомобил влетал во група демонстранти на улицата.
Полицијата сега треба да истражи дали возачот навистина намерно удрил во луѓе или дали ги помешал сопирачката и гасот.
За потсетување, во декември минатата година имаше терористички напад во Германија кога возач на БМВ влета во група луѓе на божиќниот пазар во Магдебург.
Потоа, саудискиот државјанин Талеб А. влетал со својот автомобил во толпата , убивајќи пет и ранил околу двесте луѓе.
Според досегашните информации, напаѓачот во последно време објавува се порадикални ставови на социјалните мрежи.
Тој беше исламофоб и тврдеше дека Саудиска Арабија го прогонува и дека германските власти работат на исламизирање на Европа.
Во едно неодамнешно интервју, тој се опиша себеси како обожавател на Илон Маск и поддржувач на AfD, тврдејќи дека ги споделува нивните цели, но истовремено изјави дека е политички левичар.
