Адеми: Охридскиот договор во рацете на Србин со путинистички убедувања

Потпретседателот на ДУИ, Арбeр Адеми, реагираше на име што го спомена претставникот Христијан Мицкоски при откривањето на предлозите за министри во идната Влада на ВМРО-ДПМНЕ, ВЛЕН и ЗНАМ.

„Охридскиот договор за прв пат по 2001 година во рацете на Србин со путинистички убедувања! Промената штотуку започна!“, напиша Адеми на Фејсбук.

Името што ќе биде предложено да биде министер кој ќе го води Министерството за односи со заедниците е Иван Стоилковиќ. Ова министерство досега беше предводен од Артан Груби.

Иван Стоилковиќ е претседател на Демократската партија на Србите, дел од коалицијата со ВМРО-ДПМНЕ, додека претставникот Мицкоски при презентацијата рече дека ќе биде и еден од вицепремиерите во Владата.