Аеродромот во Квинсленд под вода по силен дожд, крокодили забележани во градовите
Рекордни врнежи предизвикаа поплави на северот на Квинсленд, а властите очекуваат дека тоа всушност ќе биде најлошата поплава во историјата на овој австралиски регион, јавува Би-Би-Си.
Илјадници луѓе беа евакуирани, но многумина се уште се заробени. Екстремните временски услови донесе тропски циклон, а во некои области падна и годишното количество дожд. Фотографиите објавени на интернет покажуваат потонати авиони на аеродромот Кернс, како и крокодили кои се појавија во центарот на градот. Исто така, луѓето бегаат од своите домови користејќи чамци.
Cairns Airport Inundated
— 🇦🇺 Leera 🧐☀️🌌 🕉 (@OutbackAussie5) December 17, 2023
A Perth-Cairns Jetstar flight filled with Christmas travellers was stranded in Townsville this morning due to severe rain over Cairns Airport, and was eventually one of the last to be allowed in. See the planes under water.#CycloneJasper pic.twitter.com/AYYuDSebLB
Се уште нема извештаи за исчезнати или загинати лица. Досега се спасени стотици луѓе, поплавени се многу куќи и патишта, прекинато е снабдувањето со електрична енергија, додека водата за пиење е при крај.
Од почетокот на невремето во Кернс падна повеќе од два метри дожд. Премиерот на Квинсленд, Стивен Мајлс, рече дека тоа е најлошата природна катастрофа што може да се сети. Тој е особено загрижен за оние кои се заробени во областите каде што нивото на водата расте, како што се оние во градот Вујал Вујал, на околу 175 километри од Кернс.
Peak Aussie content here 🐊 A big crocodile has been spotted in a swollen drain in the centre of Ingham, a North Queensland town currently cut off by floodwaters. Filmed by @abcnews reporter @ChloeChomicki, who is isolated like everyone else in town. pic.twitter.com/LSg5ODkpIF
— Siobhan Heanue (@siobhanheanue) December 17, 2023
Девет лица, меѓу кои и болно дете, ноќта ја минале на покривот на болницата бидејќи спасувачката екипа не можела да стигне до нив. И покрај тоа, тие беа спасени денеска, но властите тврдат дека целиот град мора да биде евакуиран.
Метеоролозите прогнозираат дека дождот ќе продолжи да паѓа, како и плимата и осеката, што ќе ги зафати ниските населби. Сепак, од вторник се очекува намалување на врнежите, но реките допрва треба да го достигнат највисокото ниво, а се очекуваат рекорди и во овој случај.
