„Ако има војна, жена ми ќе оди на фронт“

Претседателот на полскиот парламент Шимон Холовња изјави дека во случај на војна неговата сопруга ќе оди на фронт.

Мојата сопруга ќе оди на фронт. Ако дојде до вооружен конфликт, ќе умре. Не го сакам тоа, не дај Боже, изјави Холовња во интервју за порталот „Тарногорски.инфо“.

Сопругата на претседателот на Сејмот, Уршула Бржежинска Холовња (36) е офицер на полските воздухопловни сили и пилот на ловец МиГ-29.

„Таа навистина служи во вооружените сили, не води војна со зборови како ние во медиумите или политиката“, рече 47-годишната Холовња.

Да потсетиме, францускиот претседател Емануел Макрон предизвика лавина реакции кога изјави дека не е исклучено војниците на НАТО да бидат испратени во Украина. Неговата изјава веднаш беше осудена од Кремљ, но се огласија и други членки на НАТО кои рекоа дека немаат намера да испраќаат свои војници во војна.

Исто така, бројни аналитичари, противници на официјалната политика на Русија и нејзините, како што ја нарекува Москва, „специјални воени операции, постојано споменуваат дека Полска би можела да биде следната цел на рускиот претседател Владимир Путин.