Ако не сте гладни наутро, можеби вашето тело се обидува да ви каже нешто

Секогаш ни кажуваат дека појадокот е најважниот оброк во денот, но многу луѓе се борат со недостаток на апетит наутро.

Ако тоа ви се случи и вам, ова може да биде показател дека треба да бидете внимателни.

Според „Асоцијацијата на диететичари на Велика Британија“, само две третини од Британците појадуваат, а останатите едноставно го избегнуваат како оброк.

Не е невообичаено да не сакате да јадете кога првпат ќе се разбудите, особено затоа што нивото на утринската глад варира во зависност од многу фактори, од нивото на хормоните до тоа колку храна сте јаделе претходната вечер.

„Луѓето кои имаат тенденција да јадат подоцна во текот на денот, често консумираат многу полесен или подоцна појадок. Особено ако се работи за оброк богат со протеини или маснотии, бидејќи овие макронутриенти можат да го забават празнењето на храната од желудникот и да ве одржуваат подолго сити“, вели нутриционистот Натали Бароус.

Но, кои други причини можат да предизвикаат недостаток на апетит наутро?

Хроничен стрес

Главната причина за која експертите веруваат дека влијае на недостатокот на апетит е стресот. „Будењето без апетит може да биде показател за високо ниво на кортизол, хормонот на стресот“, објаснува терапевтката Кара Роуз.

Стресот може да ги одложи или намали хормоните на апетитот, особено ако се работи за хроничен стрес, кој исто така води до намалување на нивото на енергија за да го поминете денот.

Хормони за спиење

Недостатокот на апетит наутро исто така може да биде знак за високо ниво на мелатонин, хормонот за спиење.

Кога ќе се будиме наутро потребни се два или три часа за овој хормон да се активира, па неговото ниско ниво влијае на делот за апетит наутро.