Ако често објавувате слики на Фејсбук и Инстаграм ова мора да го знаете! Можеби другите ги користат без вие да го знаете тоа!
Ако сте објавиле многу фотографии на Мета платформите како Фејсбук и Инстаграм, тие би можеле да се користат за обука на вештачка интелигенција.
Судејќи според зборовите на Марк Закерберг, шефот на Мета, тоа навистина може да се случи, барем според она што тој им го кажа на инвеститорите.
„Кога луѓето мислат на податоци, тие обично мислат на корпус што може да се користи за обука на модел со вештачка интелигенција“, рече Закерберг.
„Фејсбук и Инстаграм содржат стотици милијарди јавно споделени слики и десетици милијарди јавно споделени видеа“, додаде тој.
Сепак, се поставуваат прашања за приватноста и авторските права. Бидејќи овие фотографии се поставуваат на јавен простор, дали тоа значи дека Мета може да ги користи без ваша согласност?
Претседателот на Мета за глобални прашања, Ник Клег, веќе предвидува потенцијални правни проблеми и очекува „многу судски спорови“, па технолошкиот гигант веројатно е свесен за сè.
Што ќе произлезе од сето ова останува да се види, бидејќи користењето податоци за обука на модели со вештачка интелигенција е сè покомплицирана тема во технолошкиот свет.
