Алтун ги истакна врските на Турција со Африка на лансирањето на ТРТ Африка

Турција се стреми да достигне поголеми височини со Африка, рече турскиот директор за комуникации Фахретин Алтун на промоцијата на новата дигитална информативна платформа на јавниот радиодифузен сервис ТРТ, ТРТ Африка.

Платформата ќе функционира во согласност со целите на ТРТ за непристрасно и инклузивно новинарство и ќе прикажува приказни од вториот најнаселен континент во светот пред глобалната публика. ТРТ Африка ќе биде достапна на четири јазици: свахили, англиски, хауса и француски.

„Турциха, за разлика од западните држави, не зазема едностран и привремен пристап кон Африка и луѓето од овој континент“, рече Алтун, пренесе ТРТ Балкан.

„Напротив, Турција им покажува на своите африкански браќа и сестри со сите чекори што ги презема дека нејзиниот интерес за континентот се заснова на искрена, долгорочна и взаемна корист“, додаде тој.

Алтун зборуваше на тридневниот „Прв радиодифузен самит“ организиран од ТРТ и Африканската радиодифузна унија.

За време на својот говор, Алтун ги истакна и силните односи на Турција со африканските земји во последните 20 години под водство на претседателот Реџеп Таип Ердоган.

„Сведоци сме дека нашите односи со африканските земји засновани на разбирање, еднакво партнерство и доверба, од ден на ден стануваат се посилни“, рече тој.

Алтун рече дека се надева оти тридневниот самит „понатамошно ќе ги зајакне забрзаните односи меѓу нашите земји и ќе ги зголеми можностите за соработка“.

Одраз на реалноста на Африка

Претходно, говореше генералниот директор на ТРТ Мехмет Захид Собачи, велејќи дека ТРТ Африка ќе ги одразува турските политики со Африка „врз основа на победничка ситуација“.

„ТРТ Африка од денеска ќе почне да емитува програма и знаеме дека ќе се обраќаме на многу посебна публика бидејќи Африка со децении е предмет на субјективните радиодифузни политики на Западот“, рече Собачи.

Собачи рече дека Африка е оценета „само во согласност со интересите на западниот свет“ и дека „колонијализмот е занемарен многу години“.

„Богатата култура и природните убавини и значајните приказни на овој континент не се доволно раскажани до денес“, рече Собачи. „ТРТ Африка ќе биде единствената платформа која ќе ги одразува фактите и реалноста во Африка“.

Во својот говор, Собачи, исто така, ја истакна важноста на меѓународната соработка и се заблагодари на меѓународната заедница, особено на африканските земји, кои понудија помош за време на разорните земјотреси што минатиот месец го погодија јужниот регион на Турција.

„Од првите моменти на овој предизвикувачки период во кој се наоѓаме, многу наши пријатели подадоа рака за помош“, рече Собачи. „Оваа катастрофа со која се соочивме уште еднаш ни покажа дека меѓународната соработка и солидарност се толку важни.

Собачи го истакна и лидерството на Ердоган како пионерска сила во однос на хуманитарната дипломатија.

„Односите меѓу Турција и Африка добија извонреден импулс во последните 20 години.