Американските стручњаци ги „сложија коцките“: „Сега знаеме кон што цели кинескиот балон!“
Инцидентот дополнително ги заостри односите меѓу САД и Кина и го натера американскиот државен секретар Антони Блинкен да ја одложи планираната посета на Пекинг.
Американските власти веруваат дека кинескиот балон што беше соборен откако прелета над континенталните Соединетите Американски Држави првично бил на траекторија што би го однела над Гуам и Хаваи, но ветровите го однеле од курсот.
Ова во средата го изјави американски официјален претставник кој сакаше да остане анонимен.
Балонот, за кој Вашингтон го обвинува Пекинг дека го користи за надзор, а Кина вели дека бил цивилен истражувачки брод, пловел над Алеутските острови во Алјаска, потоа над Канада и централниот дел на Соединетите Држави пред да биде соборен од американската војска на 4 февруари во близина на брегот на Јужна Каролина.
Инцидентот дополнително ги заостри американско-кинеските односи и го натера американскиот државен секретар Антони Блинкен да ја одложи планираната посета на Пекинг минатата недела.
Американските воени и разузнавачки агенции го следеле балонот кога полетал од островот Хаинан во близина на јужниот брег на Кина, објави во вторникот Вашингтон пост.
Американската војска во понеделникот соопшти дека од балонот извлекла критична електроника, како и големи делови од самиот летало.
