Америка воведе санкции за српската нафтена индустрија

Американското Министерство за финансии денеска воведе санкции за српската нафтена индустрија како дел од новиот пакет насочен кон компании во сопственост на руски компании.

Според објавата на веб-страницата на американското Министерство за финансии, од денеска под санкции се бројни компании во Русија, но и надвор од оваа земја, а меѓу нив е и NIS, којa е во сопственост на руската национална компанија Гаспром од 2008 година.

Во образложението се вели дека санкциите се воведени за компании поврзани со компанијата Гаспром, а освен NIS, филијали на Гаспром има и во Казахстан, Киргистан, Луксембург и Таџикистан.

Сите имоти на овие компании, како и на другите подружници и партнери на Гаспром во Русија кои се на оваа листа, лоцирани во САД се конфискувани, а санкциите носат и други последици кои конкретно не се споменати во ова соопштение.

Вреди да се додаде дека санкциите беа донесени во согласност со извршните наредби 14024 и 13662, кои беа донесени од Џо Бајден и Барак Обама.

Овие прописи оставаат можност властите во Вашингтон да ги санкционираат компаниите кои „директно или индиректно и’ помагаат на руската економија“, кои беа донесени по анексијата на Крим, а подоцна и отворената агресија на оваа земја против Украина.