Аналитичарите, Израел може да ја промени тактиката на воената кампања во наредните недели
Џејк Саливан, советник за национална безбедност на Белата куќа, го повика Израел да ги намали воените операции со висок интензитет и да ги замени со операции насочени кон лидерите на Хамас. Во меѓувреме, како што јавува дописничката на Гласот на Америка, Синди Сејн, израелската армија признала дека случајно убила тројца заложници додека се борела во северниот дел на Газа. Следното видео содржи тешки визуелни слики што може да бидат вознемирувачки за некои гледачи.
Израелската војска соопшти дека по грешка убила тројца израелски заложници кои можеби биле напуштени или се обидувале да побегнат од милитантите на Хамас кои ги држеле како заложници. Престрелката се случила за време на воена операција во петокот.
Повеќе од 130 заложници се уште се држат во Газа од страна на палестинската милитантна група која САД ја прогласија за терористичка организација.
Исто така во петокот, телевизискиот снимател на Ал Џезира Самер Абудака беше убиен за време на израелски напад во Кан Јунис, во јужниот дел на Газа. Извештаите од областа покажуваат дека израелските сили спречиле медицински тимови веднаш да стигнат на местото на настанот.
Со оглед на тоа што војната продолжува да носи голем данок врз палестинските цивили, Соединетите Држави го повикуваат Израел да ја повлече својата воена операција.
Портпаролот на Советот за национална безбедност на Белата куќа, Џон Кирби, изјави дека советникот за национална безбедност Џејк Саливан разговарал за напредокот на војната со израелските власти.
„Тој зборуваше за можна транзиција од она што ние го нарекуваме операции со висок интензитет, што го гледаме дека се случува сега, во операции со помал интензитет во блиска иднина. Сепак, не сакам да поставувам временско ограничување за оваа промена“, рече г-дин Кирби.
Експерт за Гласот на Америка изјави дека верува оти американското барање Израел да ги забави борбите во Газа ќе има влијание.
„Мислам дека Израелците, кон средината или крајот на јануари, ќе го направат она што го бараат САД“, вели истражувачот Арон Дејвид Милер од невладината организација Карнеги фондација за меѓународен мир.
Со оваа позиција се согласи и друг експерт.
„Израелците мора да разберат, како што вели претседателот Бајден, дека смртта на илјадници палестински цивили не може да продолжи. Дека она што некогаш беше безрезервна поддршка за правото на Израел да се брани станува сè потешко. Се разбира, ќе треба да има некои промени, но мислам дека се е во тоа да може да се направат две работи одеднаш“, вели Брус Хофман, експерт за тероризам и национална безбедност во Советот за надворешни односи.
Протестите против бомбардирањето на Израел продолжуваат во САД и на други места. Во четвртокот, активистите кои бараа примирје го блокираа сообраќајот на главниот автопат во Филаделфија.
