Ана Брнабиќ: “Разговорите во Брисел ќе бидат тешки, Албин Курти не сака спроведување на договорот“
Во пресрет на разговорите во Брисел меѓу делегациите на Белград и Приштина, кои треба да се одржат в четврток, премиерката на Србија, Ана Брнабиќ, изјави дека тие разговори ќе бидат тешки.
„Сè уште го немаме Бриселскиот договор и Заедницата на српски општини (ЗСО). Приштина нема намера да го спроведе, а Албин Курти не сака да каже два збора – Бриселски договор“, изјави Ана Брнабиќ за РТС.
Таа посочи дека видовме само дополнителна ескалација.
Според Ана Брнабиќ, неопходна е имплементацијата на Бриселскиот договор и имплементацијата на ЗСО.
„Благодарност до претседателот Александар Вучиќ што презема на себе да ги води овие разговори и ја ослободи Владата да може да се занимава со други работи“, изјави српската премиерка.
Таа оцени дека мирот и стабилноста им одговараат на луѓето во Србија, затоа што им овозможуваат да имаат просперитет.
Претседателот на Србија, Александар Вучиќ, вчера по средбата на лидерите на Процесот Брдо-Бриони во Скопје изјави да состаноците меѓу Белград и Приштина во рамки на Бриселскиот дијалог во четврток ќе бидат тешки и да ништо не очекува од нив.
