,,Ангелите излегуваат кога надвор е пекол!” Го расплакаа цел свет со хуманите постапки! Жителите на Лос Анџелес спасуваат животни од пожарот – сцени за плачење! (ФОТО)
Во Лос Анџелес, Америка сè уште беснеат разорни пожари поради кои многу познати луѓе останаа без своите домови. Сепак, не се евакуираат само луѓето – се спасуваат и животните, за што сведочат бројните објави кои кружат на социјалните мрежи.
Исто така, ветеринарката Ени Харвилиц на Фејсбук напиша дека е подготвена да обезбеди засолниште за животните не само во напуштената стара ветеринарна болница, туку и во својот дом. Таа со својот хуман потег ја воодушеви цела Америка.
– Доколку познавате некој што мора да замине и нема каде да ги смести своите миленици, контактирајте ме и можам да отворам болница за привремено сместување – стои во нејзината објава.
„Едно семејство ми донесе 10 кучиња“
Харвилиц откри за „The Post“ дека засолнува животни и во својот дом.
– Едно семејство ми донесе 10 кучиња и тие мораа да ги остават коњите. Не ни да размислувам. Погледнав наоколу и реков: „Имам многу простор овде. Можам да помогнам. Го правам тоа затоа што ги сакам животните и сакам да се грижам за нив” – нагласи таа.
Клип од нејзината објава беше споделена од актерката Кејт Бекинсејл на нејзиниот Инстаграм со зборовите:
„Ангелите излегуваат кога надвор е пекол“.
Харвилиц не е единствениот кој се понуди да се грижи за животните кои треба да се евакуираат. Фармата Втора шанса во Невада ги отвори своите амбари за коњи и други животни.
– Не можам да замислам низ што минуваат сите тие луѓе, бидејќи и јас имам домашни миленици и ја чувствувам болката во нивните очи. Веројатно се очајни затоа што можеби можат да земат куче, но ако имаат два коња, што ќе прават со нив? Знам дека не сум таму и знам дека сум далеку, но барем да сместиме неколку животни овде. Сакам да помогнам – изјавила Џаилена Селема Санчез од фармата „Втора шанса“, пренесува Fox 5 Vegas.
Сè повеќе повредени животни
Организацијата „Pasadena Humane Society“ се огласи преку Фејсбук, во која се наведува дека примаат сè повеќе животни на кои им е потребна ветеринарна помош. Објавија и неколку фотографии со повик за донации.
Во коментарите многу луѓе се огласија да донираат пари, додека една корисничка напиша дека има голем отворен двор во кој може да смести неколку животни.
Шумски пожари го зафатија Лос Анџелес, при што загинаа најмалку пет лица, беа уништени стотици домови и исцедени ресурсите за гаснење пожари и резервите на вода, додека на повеќе од 100.000 луѓе им беше наредено да се евакуираат. Пожарот ги зафати и Холивуд Хилс.
– Бројот на загинати од шумските пожари што беснеат околу Лос Анџелес се искачи на најмалку пет, но може да биде и поголем – изјави шерифот на округот Лос Анџелес Роберт Луна за радиото KNX News.
