Антикорупциска казни околу 90 јавни службеници поради непријавување имот
Државната комисија за спречување на корупцијата казни министри, поранешни министри, пратеници и поранешни пратеници, како и други носители на јавни функции поради прекршување на одредбите од законите, поточно непријавување имот, ненавремено пријавување на податоци и вршење јавна функција со кршење на законот.
Во зависност од сторениот прекршок, носителите на јавни функции мора да платат казна до 300 евра. Законските мерки се однесуваат на 2024 година.
Талат Џафери е еден од 86-те лица на списокот, кој е казнет со 300 евра бидејќи додека ја извршувал должноста премиер бил и пратеник.
Поранешниот прв вицепремиер и министер за политички систем, Артан Груби, кој е во бегство поради потерница поради сомнение за корупција, во рок од 15 дена не ги доставил сите потребни информации до Антикорупциска. Тој е казнет со 200 евра. За истиот прекршок со 200 евра е казнет и поранешниот министер за здравство Фатмир Меџити.
Со 300 евра е казнет и Илир Демири во својство на поранешен министер и пратеник, бидејќи додека бил пратеник во Собранието, истовремено ја извршувал и функцијата министер за здравство. Тој е казнет и со 300 евра.
Парична казна и за Изет Меџити, прв вицепремиер и министер за животна средина, бидејќи не пријавил имотна состојба согласно законот.
Голем дел од списокот заземаат пратеници и поранешни пратеници кои не поднеле анкетен лист до Антикорупциската по стапувањето на функцијата или по завршувањето на пратеничката должност. Арбр Адеми, Елми Азири, Арбен Зибери, Беким Ќоку и Артина Ќазими се дел од пратениците кои се казнети со по 300 евра. Понатаму, Горан Мисовски, Бастри Бајрами, Борислав Кермов, Берат Ајдари, Ангелика Петкова, Зоранчо Јованчев, Љазе Таневски, Јована Мојсовска, Душко Иванов, Аднан Азизи, Хисни Исмаили, Марија Костадинова, Арта Билали Зенделиим, Иван, , за истите прекршоци со по 300 евра се казнети и Латифе Шиковска и Даниела Колева.
Ваква практика на објавување казни досега нема спроведено од Антикорупциската. Од ова тело најавуваат дека отсега списокот со казнетите ќе биде јавен за граѓаните.
