Апчиња за одложување на менструалниот циклус: Дали се опасни и како треба да ги користите
Апчиња за одложување на менструалниот циклус се избор на многу жени во текот на летните месеци
Одложувањето на менструалниот циклус, иако генерално безбедно, не треба да стане вообичаена практика. Иако не постои ризик за повеќето жени, бидејќи тие се хормонски препарати, секогаш треба да се консултирате со вашиот гинеколог пред да ги користите.
Честата употреба на овие препарати може да доведе до хормонална нерамнотежа, подоцна неправилно или пообилно крварење, како и нарушување на менструалниот циклус.
Одложувањето на менструацијата се врши со употреба на хормонски препарати – апчиња за контрацепција или гестаген препарати, таблети кои содржат синтетичка форма на женскиот полов хормон прогестерон, пренесува Телеграфи.
Ако жената веќе користи апчиња за контрацепција како метод за заштита од несакана бременост, циклусот може да се одложи едноставно со продолжување на употребата на второто пакување без вообичаената 7-дневна пауза. Ако тоа не е случај, циклусот може да се одложи со користење на хормонски таблети базирани на прогестерон.
Вишокот на овој хормон во организмот доведува до доцнење на овулацијата и следствено на доцнење на појавата на циклусот и на тој начин го одложува појавувањето на циклусот.
Таблетите се земаат најмалку три дена пред очекуваниот период, два пати на ден и се користат онолку денови колку што сакате за одложување на менструацијата, но не повеќе од 14 дена.
По прекинот на употребата на таблетите, циклусот се воспоставува по неколку дена, обично по два до три дена.
Важно е да се запамети дека овие таблети немаат контрацептивен ефект и не претставуваат заштита од несакана бременост.
Искуствата со апчиња за одложување на циклусот се главно позитивни, но треба да се запомни дека секој организам реагира на свој начин.
Несаканите ефекти се обично благи и вклучуваат чувство на надуеност, стегање во градите, повремени главоболки или потешки периоди. Како и секој лек, и овие таблети може да имаат свои контраиндикации.
Посебна грижа е потребна кај жени над 35 години, пушачи, оние со хипертензија и тромбоза.
