Аргентина се менува од корен! Хавиер Милеј не залудно замавнуваше со моторна пила: Еве што се случува (ВИДЕО)

Економската активност на Аргентина порасна за 6,5 отсто во јануари во споредба со јануари минатата година, што е најбрзиот економски раст од средината на 2022 година, покажаа најновите официјални податоци.

Економијата на оваа латиноамериканска земја го забележа третиот последователен месец на раст, забрзувајќи го своето темпо по растот од 6 отсто на годишно ниво во декември. Истовремено, економскиот раст ги надмина проценките на аналитичарите, кои очекуваа просечен раст од 4,7 отсто.

На месечна основа, аргентинската економска активност порасна за 0,6 отсто во јануари, со што го постигна четвртиот последователен месечен раст.

Економијата на Аргентина која се бори во последниве месеци покажува знаци на пресврт, откако беше силно погодена од острите мерки за штедење спроведени од слободарскиот претседател Хавиер Милеј.

Меѓу 10-те економски сектори кои забележаа раст во јануари, финансиското посредување и трговијата на големо и мало беа главните двигатели на националниот раст, покажаа податоците на агенцијата за статистика INDEC.

Мили победи во вториот круг од претседателските избори во ноември 2023 година.

За време на кампањата, тој ги нарекуваше своите конкуренти „политичка каста“, „комунисти“, „паразити“ и „пијавици“, а своите политички митинзи ги водеше со моторна пиласимболизирајќи ја неговата намера да ги „отфрли“ државните трошоци.

Тој презеде земја со хронична инфлација (дури 143 отсто за една година), структурен долг, а 40 отсто од нејзините граѓани беа сиромашни.