Ахмети оствари средба со американската делегација од Охајо, Мисисипи, Тексас и Илиноис

Претседателот на ДУИ, г-дин Али Ахмети, денеска оствари средба со делегација од Соединетите Американски Држави, составена од претставници на собранијата на државите како Охајо, Мисисипи, Тексас и Илиноис, како и претставници на Американски совет на млади политички лидери.

Во организација на американската амбасада во Скопје, претседателот Ахмети се сретна со г-ѓа Сара Харбисон, г. Ноах Санфорд, г-ѓа. Бриде Свини, г-ѓа Ванеса Танер, г. Антони Вега, г. Роберт Вилијамс и г. Дејвид Спектор.

Тема на разговор на оваа средба беа односите на Република Северна Македонија со Соединетите Американски Држави, како и процесите во земјата од војната во 2001 година до денес, co процесот на уставните измени.

Претседателот Ахмети изрази благодарност за посветеноста на САД за континуираната поддршка што и ја даваат на Северна Македонија, од потпишувањето на Охридскиот рамковен договор во 2001 година, Договорот од Преспа, членството во НАТО, стратешкиот дијалог, помошта во областа на одбраната, како и патот на процесот на уставни измени, овој многу одлучувачки момент за земјата и дека САД и понатаму остануваат најсигурен партнер нa патoт на Северна Македонија кон европската перспектива.