БАЛКАНСКИ БИЗНИС: Дупнале гуми на скапи автомобили за да имаат повеќе работа, оштетиле луѓе за илјадници евра
По повеќемесечна истрага, полицијата открила тројца мажи кои дупнале автомобилски гуми, а потоа во специјализирано и опремено возило нуделе услуги на вулканизери, соопшти полицијата на Приморје-Горски Котар.
Мажи на возраст од 25, 28 и 35 години од март до крајот на септември минатата година во Риека дупнале гуми на автомобили со висока вредност и на тој начин оштетиле 46 хрватски и странски државјани за најмалку 11.800 евра.
Двајца постари мажи го охрабриле помладиот да ги дупне гумите и му платиле за тоа . Како вулканизери дошле на идеја да користат специјализирано и опремено возило за вулканизациски услуги за да циркулира околу локациите каде што биле дупнати гуми, пишува „Полсовни дневник“.
Тие им понудиле на сопствениците на автомобили брз лек и наплатиле повисока сума од вообичаената за таквите поправки. Полицијата утврдила дека на овој начин се стекнале со околу 2.600 евра .
Претресени се нивните куќи, други простории и возила што ги користеле 35-годишниот и 28-годишникот на поширокото подрачје на Риека, при што се пронајдени повеќе предмети што ги поврзуваат со овие кривични дела.
На крајот од кривичната истрага сите тројца се кривично пријавени за штета, а двајцата постари исто така кривично пријавени за поттикнување и се предадени на надзорникот на притворот.
