Барак Бахар е минато: Црвена Ѕвезда веќе најде замена за Израелецот! ,,Делиите” ќе бидат воодушевени

Како што пишуваат српските медиуми, Владан Милојевиќ е нов тренер на Црвена звезда.

Постигнат е договор помеѓу клубот и поранешниот тренер, останува само да се договорат условите, а тоа треба да се разјасни во наредните денови.

Договорот со Барак Бахар ќе биде раскинат, управата на клубот и стручњакот од Израел ќе се разделат со заедничка согласност.

Владан Милојевиќ доста успешно ги предводеше црвено-белите од 2017 до 2019 година.

На стадионот „Рајко Митиќ“ пристигна во јуни 2017 година и ја освои титулата во својата прва сезона, кога ги предводеше црвено-белите во нокаут фазата од Лига Европа.

Два пати играше во Лигата на шампионите, првиот пат освои четири бода, го победи Ливерпул со 2:0 и ремизираше 0:0 со Наполи.

Следната година освои три бода со победата над Олимпијакос.

Тој поднесе оставка на 19 декември 2019 година.