Бајден: Израел треба да биде повнимателен со цивилите

Американскиот претседател Џо Бајден изјави дека Израел треба да се фокусира на спасување на животите на цивилите во Газа.

Тоа доаѓа по извештаите за зголемена фрустрација во Белата куќа, бидејќи официјалните лица стануваат нетрпеливи со плановите на Израел за „долга војна“ – со високи политичари во Вашингтон кои сакаат побрз крај на конфликтот со што е можно помалку жртви.

Елиминацијата на Хамас „ќе бара долг временски период – ќе потрае повеќе од неколку месеци“, изјави претходно израелскиот министер за одбрана Јоав Галант, пренесува skynews .

Запрашан дали сака Израел да ги намали нападите врз Газа до крајот на годината, тој рече: „Сакам да се фокусираат на тоа како да спасат цивилни животи, да не престанат да го следат Хамас, туку да бидат повнимателни“

Повеќе од 18.000 цивили загинале во Газа од почетокот на конфликтот, според Министерството за здравство предводено од Хамас.

Американските власти, вклучително и нивниот лидер, честопати повикуваат Израел да стори повеќе за да го намали бројот на цивилни жртви.