Бајден: Ослободувањето на заложниците од Хамас е само почеток

– Американскиот претседател Џо Бајден рече дека ослободувањето на првата група заложници денеска од Хамас е само „почеток“ и дека има „реални“ шанси да се продолжи привременото примирје во Газа.

Говорејќи пред новинарите во Нантакет, Масачусетс, каде што го поминуваше празникот Денот на благодарноста со своето семејство, Бајден додаде дека е време да се „обнови“ работата за решение со две држави за мир меѓу Израел и Палестинците.