,,Бев изненаден од неговото однесување“ Селекторот на Португалија ги откри деталите од првата средба со Роналдо! Не го очекувал тоа од него!

Новиот селектор на Португалија, шпанскиот фудбалски стручњак Роберто Мартинез отворено проговори за односот со првата ѕвезда на репрезентацијата, Кристијано Роналдо.

По неуспехот на Светското првенство во Катар и очајниот настап на 38-годишниот португалски ас, многумина веруваа дека времето на Роналдо е завршено и дека тој повеќе нема да има улога во репрезентацијата.

Сепак, со доаѓањето на новиот тренер Мартинез работите драстично се сменија, Кристијано повторно блесна и покажа дека многумина прерано го отпишале.

Тој постигна дури девет гола на седум квалификациски натпревари и ја предводеше својата репрезентација на Европското првенство во Германија.

Мартинез не крие дека е воодушевен од Кристијано, истакнува дека досега не сретнал толку посветен играч и ги открива деталите од нивната прва средба.

„Запознав еден амбициозен фудбалер кој сакаше да биде во служба на репрезентацијата. Бев многу изненаден од неговата скромност“, вели Мартинез и додава:

„Никогаш не бирав имиња, сакам да ја запознаам личноста која стои зад фудбалерот што го повикувам. Се обидов да ги запознаам сите што се најдоа на списокот за Светското првенство и кога го запознав Кристијано бев изненаден“.

Мартинез истакнува дека веднаш му било јасно дека Роналдо е подготвен да даде сè за тимот.

,,Видов човек кој сакаше да биде посветен и да му служи на тимот. Нешто што не го очекувате од играч како Кристијано, кој постигна сè. За волја на вистината, бев многу изненаден од неговата скромност и неговата желба да придонесува за тимот“, вели Мартинез.

Роналдо е апсолутен светски рекордер по бројот на настапи и голови за националниот тим.

За Португалија одигра 203 натпревари и постигна 127 голови. Тој одигра 47 натпревари на големите натпреварувања и постигна 22 гола.