Бенјамин Нетанјаху остро му се закани на Либан: “Ако Хезболах влезе во војна, ќе следи незамисливото!“

Премиерот на Израел, Бенјамин Нетанјаху, во неделата го предупреди Хезболах да не оди во војна против Израел, велејќи дека тоа ќе предизвика израелски контранапади на „незамислива“ сила што ќе го опустоши Либан.

Бенјамин Нетанјаху му рекол на Хезболах дека војувањето против Израел би било „доживотна грешка“.

„Во тој случај ќе удриме со сила која не можам да ја замислам и која ќе биде погубна за државата Либан“, порачал Бенјамин Нетанјаху за време на посетата на војниците на северот на земјата.

Тој исто така им рекол на војниците дека не може да им каже дали Хезболах ќе одлучи целосно да влезе во војната.

„Војната започната по крвавиот напад на Хамас врз Израел на 7. октомври, сега сме во ситуација да се биде или не за Израел”, додал Бенјамин Нетанјаху.

Меѓународната заедница стравува од посилно учество на проиранскиот Хезболах, сојузник на палестинското исламистичко движење Хамас.

Последната војна меѓу Израел и Хезболах во 2006 година остави 1.200 мртви во Либан, а 160 мртви во Израел, главно војници.

Затоа, израелската Армија е во состојба на готовност на северната граница со Либан од 7. октомври и нападите на Хамас.

Израел, кој пред една недела прогласи затворена воена зона широка 4 километри долж границата со Либан, претходно во неделата објави дека евакуира уште 14 населени места на северот на земјата.