,,Беше црвено, па жолто – што се случува!” Канал во предградието на главниот град веќе ја смени бојата – „сина, зеленикава, розова“ (ФОТО)

Канал во предградие на аргентинската престолнина Буенос Аирес стана светло црвено, предупредуваат жителите, а локалните медиуми јавуваат дека најверојатната причина е излевање на текстилна боја или хемиски отпад од блиското складиште, јавува Би-Би-Си.

Сликите и видеата на социјалните мрежи во четвртокот покажаа светло-црвена вода како тече во заливот Рио де ла Плата, кој се граничи со блискиот еколошки резерват.

Министерството за животна средина соопшти дека се земени примероци од вода од каналот Саранда за да се утврди причината за обезбојувањето.

Жителите тврдат дека многу локални компании фрлаат токсичен отпад во канал што минува низ област со фабрики за кожа и текстил на десетина километри од центарот на главниот град Буенос Аирес.

Еден локален жител изјави за C5N дека додека каналот сега е црвен, „другиот пат беше жолт, со кисел мирис што ги разболуваше луѓето“.

– Во околината нема многу фабрики, иако има магацини – рече тој.