Бидете внимателни: Ако ги користите капките за нос повеќе од 5 дена, може да се соочите со сериозен проблем

Многу луѓе посегнуваат по капки за нос за брзо да го решат проблемот со затнат нос, но ако се користат предолго, можат да бидат опасни за кардиоваскуларното здравје.

Иако тие обезбедуваат моментално олеснување, важно е да се знае дека прекумерната и долготрајна употреба на овие препарати може да има сериозни последици за вашето кардиоваскуларно здравје.

Назалните капки , познати како деконгестиви, делуваат така што ги стеснуваат крвните садови во носот, го намалуваат отокот и го олеснуваат дишењето.

Сепак, кога се користи подолго од препорачаното (обично 3 до 5 дена), активните супстанции од капките можат да навлезат во крвотокот и да предизвикаат сличен ефект врз другите крвни садови во телото.

Ова може да доведе до зголемен крвен притисок и забрзан срцев ритам , што е особено опасно за луѓе кои веќе имаат проблеми со хипертензија или некои срцеви заболувања.

Покрај тоа, долготрајната употреба може да предизвика зависност од назалните капки, познато како ефект на „повраток“.

Откако ќе помине почетниот ефект, носната слузница станува уште поотечена, што го поттикнува корисникот да ги користи капките одново и одново, создавајќи маѓепсан круг. Со текот на времето, ова може трајно да ја оштети слузницата и да ги влоши симптомите.

Назалните капки се ефикасно решение за краткорочно олеснување, но не се наменети за долготрајна употреба.

Доколку имате хронични проблеми со затнат нос , задолжително консултирајте се со лекар. Постојат побезбедни алтернативи кои можат да го решат вашиот проблем на долг рок, без да го ризикуваат вашето срце.