БИЛЕ ОМИЛЕНИ – Пет “сиромашни” јадења кои беа незаменливи на масите во поранешна Југославија
Многумина со носталгија се сеќаваат на времето кога живееле во поранешната заедничка земја – Југославија. Повеќето луѓе зборуваат за овој период со суперлатив, дури и кога станува збор за некои „сиромашни“ работи според денешните стандарди.
Многумина ќе се сетат на некои стари јадења кои многу често беа на трпезите на домаќинствата во Југославија. Бидејќи не бараат многу храна, само најосновните, ги нарекуваме „сиромашни“.
Ограничениот избор на прехранбени производи или скромните куќни буџети се причината поради која овие јадења биле дел од секојдневието на југословенските семејства. Сепак, иако овие јадења беа „сиромашни“, тие беа вкусни и многумина ги паметат со задоволство. Во продолжение ви пренесуваме неколку јадења кои во минатото често биле на трпеза.
Варени компири со кора
Компирите варени со лушпите се едно од јадењата кои често се подготвувале во минатото. За овој оброк ви требаат само 15 до 20 минути за да ги сварите компирите во вода. Многу луѓе ги јаделе овие компири со сирење, павлака или камак. Ова јадење се подготвува и денес, но многу поретко од порано.
Печени компири со кора
Друго јадење кое во минатото често се наоѓало на трпезата е неизлупениот печен компир. Ова јадење најчесто се подготвувало во зима, а се јадело и со сирење, јогурт или павлака.
Леб натопен во јогурт или млеко
Лебот никогаш не се фрлал, а за да се користи дури и кога ќе остарел, се јадел смачкан во млеко или јогурт. Ова јадење особено го сакаа децата, а се правеше за појадок или вечера.
Пржени лепчиња (кришки)
Порано генерации растеа со пржен леб, леб „натопен“ во јајце и пржен во тава. На овој начин, домаќинките го зачувале и стариот леб од фрлање и му го продолжиле векот на употреба.
Супа од компир или зелка
Супа од компир или зелка без месо или со минимална количина на месо е јадење кое исто така често се наоѓало на менито во домаќинствата од поранешна Југославија. Ова јадење лесно се подготвува, а потребни ви се компири или зелка, малку масло, зеленчук и зачини.
