Бомбашки напад во Истанбул! Има повредени и тешко ранети, полицијата веднаш пристигнува на местото на настанот
Во раните утрински часови во општина Кагитане во Истанбул се случи бомбашки напад врз ресторан, кога непознати лица фрлија рачна граната врз зградата во населбата Хуриет.
Инцидентот се случил околу 1:30 часот по полноќ, а според информациите од турскиот весник „Милиџет“ , во експлозијата се повредени седум лица, од кои тројца се здобиле со тешки телесни повреди.
Kağıthane’de eğlence mekanına el bombalı saldırı!
— SONDAKİKAHABERLERİ (@HABERINKONUMU_) May 27, 2025
Hürriyet Mahallesi’nde bulunan bir eğlence mekanına, plakasız motosikletle gelen 2 kişi el bombası attı.
📍 Patlamada 3’ü ağır olmak üzere 7 kişi yaralandı.
Olay yerine özel harekat, bomba imha ve terörle mücadele ekipleri sevk… pic.twitter.com/6iNnykuqxV
Локалната полиција веднаш започна интензивна потрага по сторителите. Според прелиминарните податоци, двајца напаѓачи пристигнале со мотоцикл без регистарски таблички, застанале пред петкатна зграда, а потоа фрлиле експлозивна направа врз ресторанот што се наоѓа на вториот кат од зградата.
Бројни екипи на полиција, брза помош и пожарникари веднаш беа испратени на местото на нападот, додека безбедносните камери од околните згради детално се испитуваат во обид да се идентификуваат напаѓачите.
Полицијата сè уште не ги откри мотивите за нападот, а истрагата е во тек.
