Маричиќ: Најдобро се бранат нашите интереси ако сме во ЕУ,…

Рамазан

Од 1 јануари се зголемува саатницата за германските…

Александра

Благоевград ја одбележува 151-годишнина од раѓањето на Гоце…

Елена

Борба на векот – Усик го совлада Фјури во брутална пресметка! По 25 години боксот има апсолутен владетел во тешка категорија (Фото/Видео)

СпортТоп Тема
Од Во Центар

Спектакуларната борба заврши со славење на украинскиот боксер кој сега е сопственик на четири престижни појаси.

Украинскиот боксер Олександр Усик стана апсолутен светски шампион во тешка категорија откако по 12 рунди во Ријад со поделена одлука го победи Британецот Тајсон Фјури.

Украинецот во осмата рунда му го скрши носот на Фјури, а кон крајот на деветтата со серија удари го затресе Британецот, кој едвај се задржа на нозе, но судијата сепак му броеше.

Двајцата борци влегоа во борбата непоразени во нивните кариери, Фјури ја има титулата во тешка категорија на ВБЦ од 2020 година, додека Украинецот ги има појасите на ВБА, ВБО и ИБФ откако го симна Британецот Ентони Џошуа од тронот во 2021 година.

слика

Така, Усик стана првиот неприкосновен шампион во тешка категорија по Ленокс Луис, кој беше крунисан во 1999 година во Лас Вегас, ноќта од саботата кон неделата. Таа година, единаесет години по неговата олимписка титула во Сеул, Луис стигна до титулата откако победи на поени против Евандер Холифилд .

Но, постои една разлика помеѓу Луис и Усик. Имено, Украинецот е првиот што ги обедини титулите во ерата на четири појаси која започна во 2004 година со верификацијата на ВБО.

Усик стигна до 22. победа во 22 меча, додека Фјури го претрпе првиот пораз во кариерата во кој има 34 победи и едно реми.

Усик победи против „Кралот на циганите“ со поделена судска одлука, по 12 рунди спектакуларна борба.

На овој начин, Украинецот ги обедини сите четири шампионски титули во тешка категорија, станувајќи првиот апсолутен шампион по Ленокс Луис, кој успеа да го направи тоа во 1999 година, кога го победи Евандер Холифилд.

Кога станува збор за самата борба, Фјури успеа подобро да влезе во мечот, што најдобро го покажа во текот на шестата рунда, кога успеа да го затресе и Усик.

Сепак, Украинецот се стабилизираше, а потоа речиси победи со прекин.

Малку недостасуваше Усик да победи во деветтата рунда, кога добри десет секунди го „уништи“ Фјури, кој се тетеравеше во рингот, дури и судијата го одбројуваше, но на крајот го спаси ѕвоното, иако на никој не му беше јасно како во тие моменти тој всушност остана на нозе.

После тоа се чинеше дека се е во рацете на Усик, а на крајот се покажа дека е вистина, а Украинецот ја извлече најголемата победа во боксерската кариера.

Сепак, извесно е дека пред крајот на оваа година можевме да го видиме вториот дел од оваа епска пресметка, со оглед на тоа што промоторот на натпреварот Турки Алалшик веќе најави дека реваншот ќе се одржи без разлика на исходот, а дополнително, во договорот што го потпишаа борците има клаузула за реванш.

Со тоа, нема сомнеж дека ќе видиме уште еден судир на двајцата тешкаши, а само треба да видиме кога.

Во Центар 2070 текстови 0 коментари
Слични наслови Повеќе од Авторот