Борел: „Моќта на Русија ‘пука’ поради војната во Украина“

– Високиот претставник на Европската Унија (ЕУ) за надворешни односи и безбедносна политика, Жозеп Борел, изјави дека моќта на Русија „пука“ поради војната во Украина.

 Високиот претставник на Европската Унија (ЕУ) за надворешни односи и безбедносна политика, Жозеп Борел, изјави дека моќта на Русија „пука“ поради војната во Украина.

Пред состанокот на министрите за надворешни работи на ЕУ во Луксембург, Борел за новинарите изјави: „Она што се случи во текот на овој викенд покажува дека војната против Украина ја ‘скршила’ руската моќ и влијае врз нејзиниот политички систем.“

Тој се осврна на бунтот против раководството на руската Армија инициран од водачот на паравоената група Вагнер, Евгениј Пригожин.

Борел изјави дека рускиот претседател Владимир Путин „создал чудовиште“ поддржувајќи ја групата Вагнер, која сега, според него, „гриза назад“… „чудовиштето дејствува против својот творец“.

Тој нагласи дека во светло на неодамнешните настани во Русија, уште покритично за ЕУ е да ја поддржи Украина.

Борел изрази надеж дека министрите за надворешни работи на ЕУ ќе усвојат уште една воена поддршка од 3,5 милијарди евра (3,8 милијарди долари) за Украина.

Шведскиот врвен дипломат Тобијас Билстром рече дека „Русија очигледно ја губи војната против Украина“ поради меѓународната поддршка за Киев.

Тој потврди дека ЕУ продолжува да стои покрај Украина за да го врати нејзиниот територијален интегритет, а министрите ќе разговараат за интеграцијата на Украина во ЕУ, како и за политичка, воена и хуманитарна помош за земјата.

За време на состанокот, највисоките дипломати на ЕУ, исто така, ќе ги проценат односите на блокот со Латинска Америка и се очекува да го усвојат 9-тиот пакет санкции поради кршењето на човековите права во Иран.